CHAMAELEON Aqueus

CHAMAELEON Aqueus

in Musaeo Kircheriano, Romae. Ludit iucundâ differentium aquarum praecipitatione Auctor Musaei; dumque in differentes colores liquores transmutat, eosdem aliâ mox alterius aquae praecipitatione semper ad pristinum statum reducit, modô tali, ut duobus claris liquoribus mixtis, aureus evadat aquae color, cui, si alias guttulas alterius indas, in atramentum nigrescit; ad pristinam claritatem reditura, mox alterius speciei aquâ additâ additâ. Aliis vero aquis claris primo permixtis in candidum lac se mutat, quarum tertiâ admistâ ambae nigrescunt. Videtur sic vere Chamaeleontum more quascumque impressiones assumere, ac iterum dimittere, solaque simplici commixtione varios exhibere ludentis artis in rerum natura iocos. Georg. de Sepibus in Collegii Romani Societatis Fesu Musaeo, p. 46. Vide quoque Athanas. Kircherii Mundum Subterraneum.